De jäög in Mestreecht is veur de MINEURS hiel erg belaankriek.
Via de jäög wèlle veer de Vastelaovend in Mestreech in leve hawwe.

Veer verzörge al euze “Vastelaovendslesse” op ‘n 9 tal basissjaole in Mestreech en bereike heimèt de allerjongste. Es “de” studentenstad vaan Nederland mèt zien Universiteit kint Maastricht ‘n groete gróp “studenten” die “soms” tijdelek in Mestreech verblieve.

Ouch dees gróp studenten die oet ‘t ganse land en wied daoboete aofkomstig zien make veer bekind mèt euze unieke Mestreechse cultuur en häör gebruke. Door euze relatie mèt studenten vereniging MSV TRAGOS berieke veer ouch dees gróp studenten mèt es doel um ouch dees jäög kinnes te laote make mèt ‘n uniek stökske vasteloavends cultuur en de daobij behurende gebruken. ‘t blijf eedere kier weer ‘n oetdaging. Dat maak dat ouch veer soms eve aofstand numme es sommige deilnemers de grens euversjreie.

Jaorleks weurt der ‘n “prinses” oetgerope die daan euze vasteloavends cultuur vaan kortbij kin mètmake.

Daoneve is MSV TRAGOS gevestigd in “us” FORT WILLEM I de plaats boe veer regelmaoteg euze basissjaol jäög oontvaange veur hun spannende Kazematten roondleiing die veer es MINEURS verzörge. ‘n fantastische samewèrking vaan versjèllende partijen vaan joonk en aajd.