Leef vastelaoves vrun femilie en bekinde vendaog 30 november 2000 + 2×11 + 2 zien veer heij bijein um us te preparere veur de zwoer daog vaan de Vastelaovend vaan 2000 + 2×11 + 3. Alleriers vaan harte welkom in dees sjoen lokasie vaan danssjaol Bernaards gelege aon de Breusellestraot vaan Mestreech. Veer es kanselerij höbbe in augustus 2000 + 2×11 + 2 häöm mèt valse veurwensele naor un geheim lokasie gelok, daor kraog heer nao get sjlap geawhoor de bengkelike vraog.

Zows diech uzze nuie hoeglöstigheid vaan CV de Mineurs wèlle weure? Heer waor hielemaol verpopzak en vaan sjlaag en wis neet mie wat heer mos zègke. Nao ’n minuut of tien us aongehuurd te höbbe besloot heer spontaan um zien vrouwke te belle die metein door häöm woort opgehould. Ouch in de oto had heer nog niks tege häör gezag. Toen zie weer same trök kwoume kroug ouch zie te huure veurwat heer bij us waor. Naor ‘ne sjriew vaan ongeluif besloot zie toch mèr es aon te huure wat veer es Mineurs vaan hun verwachte. Nao dat zie naor hoes waore gesjik heet heer nao’un slaopeloeze nach en tich kier zien vrouwke wakker gemaak te höbbe ’t verlossende woort gerope. Jao iech wèl uuch hiel geere veur goon es nuie hoeglöstigheid vaan CV de Mineurs.

Heer heet mèt veul meujte de kleutersjaol doorlaope boe nao heer naor de basissjaol is gegaange en vervolges naor de lts um aonsletend naor ut Cita Verde college te Roermund te goon aofdeiling hovenier. Aonsleetend is heer es tuin ontwerper en bowwer goon werrreke bij un bedrief in luxe tuine. Wie veer gèt deenger begooste nao te vraoge zag heer dat heer altied hiel braaf waor. Naor get beter speurwerrek kwaome toch nog get dingskes bove drieve. Heer is ‘ne fervent motorreijer wat netuurlijk good oetkömp bij de Mineurs. Deit heer ouch aon stijldanse enwel heij in dees lokasie vaan danssjaol bernards, ouch ’t reije in hunne awwe MG dee nog vaan de awwers vaan zien vrouw waor vind heer geweldig. Toen zie in de file in oosteriek stoonte heet heer es kind bij aw luijkes un keukskestrommel gepik um vervolges die keukskes oan eederein oet de deile. ‘ne echte sameritaan uzze nuie Hoeglöstigheid toen zie in 2008 hun ierste huiske kochte op de valeriushof kaom gans oonverwachs mèr zeker gewins zien sjoenste kedooke de geboorte vaan hun dochter.

Eine tip laot uzze nuie Hoeglöstigheid gein leedsje zinge want heer verzind spontaan ‘ne aandere teks tot groete frustasie vaan vrouw en dochter. Momenteel verdeend heer zien duite bij Custers luxe tuinen. Same viert heer mèt zien gezin en vrun eeder jaor op un fantastiese weis de vastelaovend 3 daog laangk fees mèr zoonder alcohol want dat dringk heer neet. Veer goon uuch neet langer in spanning hawwe want heer is stik zenewechteg en zweit zich un oongelök. Maage veer uuch veurstèlle aon euze nuie Hoeglöstigheid vaan 2000 + 2×11 + 3

ANGELO DEN IERTSE

Angelo is geboore in ut hospitaol Annadal Mesteech op 08 juli 1980. Net zoe wie zien vrouw Kelly die op 16 Juni 1983 gebore is en werkzaam is es ict medewerkster bij de kinderopvaang MIK nao un opleidig op de hoege sjaol zuid geleege aon de Breusellestraot te Mestreech. Zie höbbe zich liere kine es 18 jaorig menneke en 15 jaorig meidske in de Coepersbar aon ut Amorsplein (oonder in de kelder vaan friture lucky luke) en waore metein smoor verleef wat oeteindelijk heet geleid tot un houwelek op 6 mei 2011 en oeteindeliik de geboorte vaan hun dochter Gwen op 19 augustus 2011. De hertogelikke residentie is gelege aon de Ravennahof 31 in de wiek daalhof te Mestreech

Hoegachtend

De kanselerij vaan CV de Mineurs