💙 𝙂𝙤𝙤𝙙 𝙙𝙤𝙚𝙡 𝙨𝙚𝙯𝙤𝙚𝙣 𝟮𝟬𝟮𝟲 🤍

Sinds jaore perbere veer es CV de Mineurs us, boete vastelaovend viere en plezeer make, ouch eder sezoen in te zètte veur sjatiteit en maotsjappeleke doele. Dit jaor hadde veer gekoze um us in te zètte veur ‘t Ronald McDonald hoes in Mestreech.

In ‘t Ronald McDonald hoes in Mestreech kinne gezinne verblieve boe vaan ‘t keend is opgenome in ‘t MUMC+. Kraanke kinder veule ziech beter es hun awwers, breurkes en zusterkes kortbij hun zien. Awwers hawwe de zörg beter vol mèt ‘n rösplek kortbij hun keend. Want es d’ne wereld op ziene kop steit door kraankde of zörg, is es gezin bijein zien ‘t aller belaankriekste.

Bij euze Mineurs femilie höbbe veer ouch väöl gezinne mèt kinder en höbbe veer ouch al ‘n aontal kier vaan kortbij mèt gemaak wie kwetsbaar ‘n kinderleve kin zien en daorum höbbe veer us mèt man en mach sterk gemaak veur dit good doel.

In totaal höbbe veer gedurende ‘t sezoen €2500 euro opgehaold en dit zien veer deze week goon aonbeeje in ‘t hoes zelf. Auch höbbe veer, um de actie op ‘n sjieke meneer aof te slete, gekook veur alle gaste in ‘t hoes.

Bedaank aon eederein dee heet gedoneerd of heet mèt gehollepe aon uzze actie!