Oondaanks de crisis en de väöle faillisseminten vaan bedrieve höbbe veer es kanselarijroad toch eine wete te vinde dee us veur welt goon in de vastelaovend.

Jao zelfs de mexicaanse griep kin häöm neet weerhawwe um us veur te goon, hiere Mineurs neet oongerös heer heet gein mexicaanse griep gehad . Heer is gebore in Mestreech zaot in Tegele op de lieger sjaol jao geer huurt ut goot in Tegele, daornao heet heer de LTS in Mestreech gedoon en de horecasjoal in Zitterd(Sittard).

Ziene pa waors unne echte horecamaan en had vief kinder 3 zöns en 2 dochters. Zunne pa had zeker gedach dat de noe nog groete onbekinde in zien vootspore zao treije mèh helaas niemand vaan de kinder hat heij oeteindelijk zin in. Koke is wel zunne hobby gebleve nèt zoe es tuiniere,sporte,zinge en pootse dus dames vaan de mineurs de koumende 4 weken zit geer gebeitelt met zoe eine.

Hiere Mineurs, ut is ouch nog unne echte klusjesmaan, vraog dat straks mèr uns aon de kleinkinder, dus ouch aon uuch höbbe veer gedach. Meinige kiere höb geer häöm al verwins es geer pepier ophaolde want heer waors ut boe ut zoe völ pepier boete laog, dit naom heer speciaal veur de Mineurs mèt vanaof zien werrek, heijaon kint geer dus al merreke dat ut ouch unne echte verenigingsmaan is.

In de sportsjoal heet heer oondaanks dat ze elkaar allang kooste zien vröwke liere kinne en zie zien al vief jaor same boevaan inmiddels 3 jaor getrowd, aon z'n kleinkinder beleef heer hiel völ plezeer en is gruuts op ze. Zoe es heer vreuger de daog aoftelde naor de vastelaovend zoe telt heer noe de daog aof naor ut oetrope, de kanselarijraod heet d' n oonbekinde liere kinne es unne maan dee de vaostelaovend un werm hart towdrög, beij de fotograaf en beij ut aonmete vaan zien pak en ouch toes stoond heer al mèt die erm te zweie um te oefene veur d'n daag vaan vaandaog.

Zien vrówke heet heer toes al hartstikke gek gemaak neet veur niks heet zie al met hoege blooddrök roondgeloupe door zien enthousiasme. De daog dore häöm te lang , de sinterklaos en keersmis koosten häöm aofgelope jaor gestole weure want ut kriebelt häöm al weke laangk. Beste luij op de dreisprunk, heer heet vreuger beij Sappi gewerrek boe heer aoch al uns prins is gewees vaan de casseridders. Noe is heer sjeffäör en zit veul oonder de luij.

Genòg gezag leef luij maage veer uuch veurstelle aon de nuije Hoeglustigheit vaan de Mineurs veur ut seizoen 2010:

 

Heij is 'r daan eindelijk: aon uzze nuije Hoeglöstigheid, uzze Hertog vaan 't jaor 2010,

Hertog Marc d'n twiede

 

Heer hèt Marc van de Riet gebore 12 januari 1961 getröwd met Carla Willems.
Heer werrek beij Veolia es bössjeffäör en woent op de Widooiestraat in de wiek haozendans.