Hertog Lou I

Hertog Lou (Jacobs)d'n Ierste

zal CV de Mineurs veurgoon in het vastelaovendssezoen 2019.
Heer is zoondag (27 jannewarie) oonder groete belangstèlling oetgerope tot nuie Hoeglöstigheid vaan CV de Mineurs.
Dit voont plaots in 't kroetmaggezijn vaan de Mineurs, gelege in ut Mestreechs Rizzjemint aon de statesingel.

Hertog Lou d'n Ierste is same mèt Ilse en zie höbbe same twie zäöns,
Jeffrey vaan 29, en Jason vaan 24. Sinds kort zien zie aog gruutse ampa en ama vaan 'ne kleinzoon Hugo.
Same met ziene zoon Jeffrey runt heer Lomad Productions en verzurge zie al jaore et geluid bij de Mineurs.

D'n Hertog heet direc 'n zier drök program,
zoe geit heer dees én volgende week mèt 'n dillegatie vaan de Mineurs versjèllende sjaole bezeuke um daor vastelaovendsles te geve.
Op zondag 3 fibberwarie geit heer mèt zien Mineurs mèt in de cortêge vaan de Stadsprins dee veur 't volk vaan Mestreech op de merret weurt oetgerope.

Aog dit jaor zal der weer 'n kleurwedstrijd plaots vinde, de kleurplate weure aofgegeve nao aoflaop vaan de vastelaovendslesse.
Hertog Lou d'n Ierste zal veuraofgaond aon zien resepsie in 't Atrium op zaoterdag 9 fibberwarie, de sjoenste kleurplate aonwieze es winnaars. Dees winnaars kriege heij 'n sjoen preiske veur.

^{28-1-2019

webmaster Edwin Buijs}